Tradisionele Potjiekos resep

Potjiekos is nie net ’n resep nie dis ’n geselligheid. Dis die soort ete wat nie in stilte voorberei word nie, maar met ’n ’n kampstoel en ’n houtlepel wat net nou en dan liggies aan die pot raak.

Geniet hierdie heerlike tradisionele potjiekos resep:

Bestanddele (vir Potjie No. 3 – ±6 mense)

• 1,2 kg beesstowevleis (soos blad of rib) – in blokkies gesny
• 2 eetlepels olie of vet
• 2 uie, gekap
• 3 knoffelhuisies, fyngedruk
• 4 wortels, in ringe
• 3 aartappels, geskil en in kwarte gesny
• 1 groen soetrissie, gesny
• 1 rooi soetrissie, gesny
• 2 tamaties, gekap (of 1 blikkie gekapte tamaties)
• 250 ml beesaftreksel of water + 1 blokkie
• 2 eetlepels blatjang
• 1 eetlepel Worcestersous
• 1 teelepel suiker
• Sout en varsgemaalde peper
• 1 teelepel paprika of rooirissievlokkies (opsioneel)
• 2 lourierblare
• 1 handjie sampioene (laaste 30 minute)
• Opsioneel: bietjie wyn of bier vir geur

Metode:

1. Voorbereiding:

• Maak kole of ’n klein vuur onder jou potjie.
• Verhit olie en braai uie en knoffel tot glansend.
• Voeg vleis by en braai tot bruin aan alle kante – moenie jaag nie, laat dit kleur kry.

2. Lae begin bou:

• Rangskik wortels, aartappels, soetrissies, tamaties bo-oor die vleis in lae – moenie roer nie.
• Gooi sout, peper, paprika, suiker en lourierblare oor.

3. Voeg vloeistof by:

• Meng aftreksel, blatjang, Worcestersous en wyn/bier.
• Gooi versigtig in sonder om lae te versteur.
• Bedek met deksel en prut stadig oor lae hitte vir 2,5 tot 3 uur.
• Voeg sampioene die laaste 30 minute by.

4. Moet nie roer nie. Laat dit self werk.

• Net af en toe skud jy die pot liggies.

Bedien met:

• Geelrys of vars brood
• ’n Slaai of braai-pampoen aan die kant
• En natuurlik: goeie geselskap

Wenk: Elke potjie is uniek – pas aan soos jy wil, maar hou altyd by die goue reël: laag-laag-laag, geen roer, en baie geduld.